Getur einhver sagt mér af hverju ég er að drepast úr harðsperrum en er ekkert orðin mjó?! Hvers konar ónáttúra er þetta eiginlega?
anna skvísindakona @ 23:59 |
í dag fer ég í próf & er búin að lesa heila kennslubók í augnlæknisfræði. Samt hef ég ekki rekist á orð um siðblindu í öllu námsefninu. Merkilegt hvað þöggunin í samfélaginu er orðin rosaleg.
(Þessi fimmaur var kreistur fram til að hafa ofanaf fyrir Evu minni sem situr heima & ímyndar sér sjúkdóma til að hringja í mig útaf á meðan hún bíður eftir að lítill óþekktarangi fæðist).
:-)
anna skvísindakona @ 10:58 |
þriðjudagur, 1. september 2009
Skvísindi:
Ég tók algjöra u-beygju í afstöðu minni til þessarar leiðinlegu augnlæknisfræði þegar Reykjavík Eye Study sýndi fram á að fólk sem gengur með sólgleraugu er í minni áhættu á að mynda ský á augasteini. Þetta eru að sjálfsögðu mjög mikilvægar skvísindaniðurstöður & geta réttlætt ansi kostnaðarsöm sólgleraugnaviðskipti. Mér þykir jafnvel aðeins vænna um Tom Ford sólgleraugun mín- & hélt að það væri ekki einusinni hægt! Augnlæknar eru greinilega engin fífl.
anna skvísindakona @ 01:03 |