Niðurstaðan: Getur maður haldið áfram að haga sér eins og fífl eftir útskrift? Já það held ég nú. Maður þarf að drífa sig að vera ungur á meðan maður er ennþá ungur. Af því að ef maður drífur sig að verða gamall, þá getur maður ekki orðið ungur aftur. Meikar þetta eitthvað sense?
Ef ég á að segja bara nokkur orð um Primavera festival, þá verða þau þessi:
* of Montreal voru sniðugir og með meiriháttar show. Mig langaði þarna eitt augnablik að verða gay borderlína.
* Það fyrsta sem ég tók eftir var hversu margir strákar voru klæddir í "Unknown Pleasures" bol. Joy Division voru frábærir, albúmið rosaflott og allt það, en það er samt megavandræðalegt að vera í eins bol og allir.
* Interpol ó Interpol, sjitt hvað þið eruð alltaf brjálæðislega töff. Ég fékk smá úllíngaveiki og trylltist úr kæti þegar þeir byrjuðu.
* Ég hélt alltaf að bjórinn þarna væri óáfengur og drakk hann í raun bara til að nýrnabilast ekki. En eftiráaðhyggja var ég alltaf rosalega full seint á nóttunni. Og nýrnabilaðist ekki.
* Low voru góð en ég fílaði þau betur á Nasa í dentid. Mögulega út af djöfulsins bresku herfunum fyrir framan okkur sem gátu ekki hætt að tala á meðan á tónleikunum stóð.
* Deerhunter voru ógeðslega skemmtilegir, byrjuðu á uppáhalds laginu mínu og tóku síðan langar og flippaðar gítarloopur- sem siðmenntað fólk gerir ekki á svona stórum tónleikum. Ég kunni hins vegar að meta þessi strákapör.
* Ég veit ekki hvað maður getur sagt um Pulp. Ég er orðlaus. En ég veit það bara að hvert einasta atóm í líkamanum mínum elskar Jarvis Cocker. Meira en allt í alheiminum. Alltaf að eilífu.
* Á leiðinni í metro hittum við ógeðslegan dópsala sem reyndi að selja okkur dóp. Þegar það tókst ekki, þá sýndi hann okkur á sér typpið og sagðist vera besti lover í heimi. Útúrkókaður much?
* Fleet Foxes voru með stórfína þynnkutónlist en ég fattaði það samt fyrir löngu síðan að lögin þeirra eru öll eins. Guðrún var þarna á 3. í festivali búin að gefa út statement þess efnis að hún myndi aldrei framar taka af sér sólgleraugun en þegar við stóðum og virtum fyrir okkur tónleikagestina í kvöldsólinni hlusta á Fleet Foxes, sá ég að það voru allir í kringum okkur jafn sjúskaðir. Sem var ágætis huggun, þá sérstaklega í ljósi þess að sólgleraugunum hennar Guðrúnar var rænt morguninn eftir.
* PJ Harvey kom á óvart. Ég átti von á því að hún myndi mæta eins og grýla á sínum endalausa bömmer og æla yfir allt og alla af frústrasjón, en hún var bara svo ósköp falleg og söng blítt eins og engill.
* Og Dj Shadow getur fokkað sér.
* Við Guðrún og Gaui tókum svo sköllsunnudagana upp á nýtt level og héldum kampavíns-sköllsunnudag á þaksvölunum hjá okkur. Ég held að maður snúi ekkert aftur í hversdagsleikann eftir þannig glysrokk.
Sáum líka allskonar meira skemmtilegt og sniðugt, en þetta er orðið dáldið meira en nokkur orð í bili. Fyrir þá sem hafa áhuga, þá segir youtube meira en trilljón orð. Hvað gerðu sveitalæknar eiginlega á kvöldin áður en youtube kom til sögunnar?