anna skvísindakona

laugardagur, 30. október 2010

Awkwardness
Bad music
Cock block
Dried out

Ákveðið var á fundi um gæðamál að þetta væru ABCD í primary survey partýlækninga- greina & meðhöndla strax! Fundurinn var haldinn heima hjá mér í gærkvöldi samhliða verklegu prófi í partýlæknisfræði & rokklæknisfræði.

Nemendur í prófinu stóðu sig með glæsibrag og eiga vafalaust framtíðina fyrir sér í bransanum. Nokkrir sköruðu sérstaklega fram úr & sýndu góða takta: Erna fyrir að vera stórkostlega hress & fara í splitt en líka Fjölli, Birkir & Össur sem sömdu með mér áðurnefndar verklagsreglur í eldhúspartýi. Annars er erfitt að gera upp á milli þegar maður er í bekk með svona mjóum & sætum stelpum & töff strákum sem kunna að sveifla mjöðmunum.

anna skvísindakona @ 21:53 |

mánudagur, 25. október 2010

Í dag fékk ég ekkert kvennafrí af því að ég þurfti að lesa bráðalæknisfræði og taka heimapróf. Ég ákvað þó í tilefni dagsins að lesa orðið "angina" sem "vagina". Það fannst mér sniðugt.

anna skvísindakona @ 17:11 |

mánudagur, 18. október 2010

Jæks, ég held að ég sé komin með berkla af öllu þessu djammi.

Síðustu daga hef ég skálað svo mikið í kokteil að ég sé fram á erfiða tíma með alvarlegum ginskorti í heiminum & það er eins gott að ekki verði uppskerubrestur í Bordeaux í haust. Kann ég Airwaves teyminu mínu bestu þakkir fyrir prýðilegasta festival: Fabulous eftirmiðdagskokteila í Stigahlíðinni, þverfaglega wardrobe samvinnu, ljóta & óviðeigandi djóka, foosball, stuð ársins útum allan Kaffibar, akútbrunch & gjörgæslusaunu í Vesturbæjarlauginni, tilfallandi lúra á milli átaka, mökksveittan dans á Bakkus- & þá eru tónleikarnir ekki einusinni taldir með!

Ég sé að það hefur verið rétt ákvörðun hjá mér á sínum tíma að velja mér vini eftir útliti.

anna skvísindakona @ 02:38 |

fimmtudagur, 14. október 2010

Í dag setti ég á mig eye-liner um hábjartan dag.

Lífið er betra með eye-liner.

anna skvísindakona @ 18:28 |

þriðjudagur, 12. október 2010

Er ekki fólk búið að byrgja sig upp af tonic & lime, pússa gömlu djammskóna sem mega tjútta í bjórpolli, æfa pikköplínur á nokkrum tungumálum & stúdera youtube & tilfallandi "rockumentaries"?
Dömur mínar & herrar, ég kynni til leiks Airwaves 2010!

Skvísindi: Ég hélt nú að maður færi seint að taka ótuktina hana Naomi Campell sér til fyrirmyndar, en eitt helsta fegurðarleyndarmál hennar er að hún setur vaseline yfir augnkremið þegar hún fer í háttinn. Nú er ég búin að prófa mig áfram með vaseline, AD krem & Locobase undanfarnar vikur & þetta hreinlega svínvirkar-ég lít bara nokkuð þokkalega út! Ótrúlega beisik & kostar bara slikk.

anna skvísindakona @ 16:42 |

mánudagur, 4. október 2010

Hvað er málið með alla þessa facebookstatusa þar sem fólk er brjálað yfir þættinum sem kom í staðinn fyrir Spaugstofuna? Gvuðminngóður, veit Útvarp Saga af þessu? I've got news for you: Drífið ykkur á barinn & hættið þessu tuði!

Skál fyrir:
* Samstarfsfólki mínu á Gelluspítalanum fyrir glæsilega kynningu á starfseminni þar & meiriháttar stuðpartý á Kaffi Sif á eftir. Þessir biluðu Olsarar kunna sko að djamma!
* Óla apótekara sem brást bara vel við því að vera kallaður út á laugardegi af því að mig vantaði varalit fyrir haustfagnað HVE.
* Jack Kerouac. Mér fannst On The Road vera hálf óþolandi þegar ég las hana fyrir nokkrum árum en eftir tætinginn fram & aftur landið undanfarinn mánuð er ég loksins farin að fatta stemninguna í henni.

anna skvísindakona @ 23:14 |